ಮಡಿಕೇರಿ, ಏ. 1: ನಗರದ ಹಳೆಯ ಖಾಸಗಿ ಬಸ್ ನಿಲ್ದಾಣದ ತಂಗುದಾಣದಲ್ಲಿ ಇರಿಸಿರುವ ‘ಹಸಿದ ಹೊಟ್ಟೆಗೆ - ತಣಿವು ಪಟ್ಟಿಗೆ’ಗೆ ಮೆಚ್ಚುಗೆಯ ಸಂದೇಶದೊಂದಿಗೆ ‘ಕೊರೊನಾ’ ವಿರುದ್ಧ ಜಾಗೃತಿ ಮೂಡಿಸುವ ಕುರಿತು ತೈಲವರ್ಣ ಚಿತ್ರವೊಂದು ಸೇರ್ಪಡೆಗೊಂಡಿದೆ.
ಇಂದು ಈ ಪೆಟ್ಟಿಗೆಯೊಳಗೆ ಒಂದಿಷ್ಟು ಟೊಮೆಟೋ, ಕುಂಬಳಕಾಯಿ, ಸೋರೆಕಾಯಿ, ಮೊಟ್ಟೆಕೋಸು ಸಹಿತ ಅಲ್ಪಪ್ರಮಾಣದ ದಿನಸಿ ಸೇರ್ಪಡೆಯಾಗಿದೆ. ಇದರೊಂದಿಗೆ ‘ಶ್ರಮಜೀವಿಗಳ ಸೇವೆ... ಪುಣ್ಯದ ಕೆಲಸ...’ ಎಂಬ ಸಂದೇಶದಿಂದ ಕೂಡಿದ ಕೈಬರಹ ಹಾಗೂ ಮಾಸ್ಕ್ ಧರಿಸಿರುವ ಹೆಣ್ಣೊಬ್ಬಳು ಹಸಿದವರಿಗೆ ಊಟ ಬಡಿಸುವ ಚಿತ್ರ ಬಿಡಿಸಿರುವುದು ಗೋಚರಿಸಿತು.