ಮಡಿಕೇರಿ, ಏ. 1: ಮಡಿಕೇರಿ ಯಲ್ಲಿ ಕಾರ್ಯನಿರ್ವಹಿಸುತ್ತಿರುವ 35 ಪತ್ರಕರ್ತರಿಗೆ ಜಿಲ್ಲಾ ಪಂಚಾಯಿತಿ ಸದಸ್ಯ ಪಿ.ಎಂ. ಅಬ್ದುಲ್ ಲತೀಫ್ ಅಗತ್ಯ ವಸ್ತುಗಳ ಕಿಟ್ ವಿತರಿಸಿದರು.

ಕ್ಯಾಮರಾ ಮ್ಯಾನ್ ಸುರ್ಜಿತ್ ಪ್ರಯತ್ನದ ಫಲವಾಗಿ ಅಕ್ಕಿ, ತರಕಾರಿ ಸೇರಿದಂತೆ ವಿವಿಧ ವಸ್ತುಗಳನ್ನೊಂಡ ಕಿಟ್ ನೀಡಲಾಯಿತು. ಒಂದು ವಾರಕ್ಕೆ ಅಗತ್ಯವಾದ ವಸ್ತು ನೀಡಲಾಗಿದೆ. ಮುಂದೆ ಅಗತ್ಯವಾದಲ್ಲಿ ಮುಂದೆ ನೀಡಲಾಗುವುದೆಂದು ಅಬ್ದುಲ್ ಲತೀಫ್ ಹೇಳಿದರು.

ಪ್ರತಿಕೂಲ ಮತ್ತು ಅಪಾಯಕಾರಿ ಸಂದರ್ಭದಲ್ಲಿ ಕೆಲಸ ಮಾಡುತ್ತಿರುವ ಮಾಧ್ಯಮ ಪ್ರತಿನಿಧಿಗಳಿಗೆ ಅಗತ್ಯ ಸಹಕಾರ ನೀಡಿರುವ ಅಬ್ದುಲ್ ಲತೀಫ್ ಮನಸ್ಥಿತಿಗೆ ಕೊಡಗು ಜಿಲ್ಲಾ ಪತ್ರಕರ್ತರ ಸಂಘದ ಅಧ್ಯಕ್ಷೆ ಬಿ.ಆರ್. ಸವಿತಾ ರೈ, ಕೊಡಗು ಜಿಲ್ಲಾ ಪ್ರೆಸ್ ಕ್ಲಬ್ ಅಧ್ಯಕ್ಷ ಅಜ್ಜಮಾಡ ರಮೇಶ್ ಕುಟ್ಟಪ್ಪ ಮೆಚ್ಚುಗೆ ವ್ಯಕ್ತ ಪಡಿಸಿದರು.

ಕೊಡಗು ಜಿಲ್ಲಾ ಪತ್ರಕರ್ತರ ಸಂಘದ ಪ್ರಧಾನ ಕಾರ್ಯದರ್ಶಿ ಬಾಚರಣಿಯಂಡ ಅನು ಕಾರ್ಯಪ್ಪ, ಉಪಾಧ್ಯಕ್ಷ ಕೆ.ಎ. ಆದಿತ್ಯ, ಕಾರ್ಯದರ್ಶಿ ಆನಂದ್ ಕೊಡಗು ಮತ್ತಿತರರು ಇದ್ದರು.