ಸುಂಟಿಕೊಪ್ಪ, ಮಾ. 31: ಗರಗಂದೂರಿನ ಜಾವಮನೆ ಕಾಫಿ ತೋಟಕ್ಕೆ ಕಿಡಿಗೇಡಿಗಳಿಂದ ಬೆಂಕಿ ತಗುಲಿ ಲಕ್ಷಾಂತರ ರೂ. ನಷ್ಟವುಂಟಾಗಿರುವ ಬಗ್ಗೆ ಸುಂಟಿಕೊಪ್ಪ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದೆ.

ಪನ್ಯ ತೋಟದ ಆನಂದ ಬಸಪ್ಪ ಅವರಿಗೆ ಸೇರಿದ ಗರಗಂದೂರಿನ ಜಾವಮನೆ ತೋಟದಲ್ಲಿ ಬೆಳೆಸಿದ ಕಾಫಿ 60 ರಿಂದ 70 ಗಿಡಗಳು ಹಾಗೂ ಫಸಲು ಭರಿತ ಕರಿಮೆಣಸು ಬಳ್ಳಿಗಳು ಮಂಗಳವಾರ ಮಧ್ಯಾಹ್ನ 1.30 ಸಂದರ್ಭದಲ್ಲಿ ಕಿಡಿಗೇಡಿಗಳು ನೀಡಿದ್ದ ಬೆಂಕಿ ಕೆನ್ನಾಲಿಗೆ ಸಿಲುಕಿ ಸುಟ್ಟು ಕರಕಲಾಗಿದ್ದು, ನಷ್ಟ ಉಂಟಾಗಿದೆ. ತೋಟದ ಮಾಲೀಕÀ ಆನಂದ ಬಸಪ್ಪ ಸುಂಟಿಕೊಪ್ಪ ಪೊಲೀಸ್ ಠಾಣೆಗೆ ದೂರು ನೀಡಿದ್ದಾರೆ.