ಕಡಂಗ, ಫೆ. 28: ಕಡಂಗ ಪಟ್ಟಣದ ಸುತ್ತಮುತ್ತಲಿನ ಗ್ರಾಮಗಳಾದ ಕರಡ , ಜೌಕಿ ಮತ್ತು ಬೊಳ್ಳುಮಾಡು ಗ್ರಾಮದ ಕ್ರೀಡಾಪಟುಗಳನ್ನು ಒಳಗೊಂಡು ವಾರ್ಷಿಕ ವಾಗಿ ನಡೆಸಲ್ಪಡುವ 5ನೇ ಆವರ್ತಿಯ ಕೆಪಿಎಲ್ ಕ್ರೀಡಾಕೂಟವು ತಾ. 29 ರಂದು (ಇಂದು) ಮತ್ತು ಮಾರ್ಚ್ 1 ರಂದು ಕಡಂಗದ ಸರ್ಕಾರಿ ಶಾಲೆಯ ಮೈದಾನದಲ್ಲಿ ನಡೆಯಲಿದೆ.

ಕ್ರೀಡಾಕೂಟವನ್ನು ಜಿಲ್ಲಾ ಪಂಚಾಯತ್ ಶಿಕ್ಷಣ ಮತ್ತು ಆರೋಗ್ಯ ಸ್ಥಾಯಿ ಸಮಿತಿಯ ಅಧ್ಯಕ್ಷ ನೆಲ್ಲಚಂಡ ಕಿರಣ್ ಕಾರ್ಯಪ್ಪ ಉದ್ಘಾಟಿಸಲಿದ್ದಾರೆ. ಕ್ರೀಡಾಕೂಟದ ಲ್ಲಿ ಒಟ್ಟು 8 ಬಲಿಷ್ಠ ತಂಡಗಳು ಪಾಲ್ಗೊಳ್ಳಲಿವೆ. ಎಲ್ಲಾ ಕ್ರೀಡಾ ಪಟುಗಳಿಗೆ ವೈಯಕ್ತಿಕ ಪಾರಿತೋಷಕ ನೀಡಲಾಗುವದೆಂದು ಮತ್ತು ಕಳೆದ ವರ್ಷ ಶಾಲೆಯಲ್ಲಿ ಅತ್ಯುತ್ತಮ ಅಂಕ ಗಳಿಸಿದ ವಿದ್ಯಾರ್ಥಿಗಳನ್ನು ಸನ್ಮಾನಿಸಲಾಗುವದೆಂದು ಸಮಿತಿ ಸದಸ್ಯರಾದ ಇಕ್ಕು, ಷರೀಫ್,ಕರೀಮ್, ನೌಷಾದ್ ಫ್ರೀಡಂ ಅವರುಗಳು ತಿಳಿಸಿದ್ದಾರೆ.