ಮಡಿಕೇರಿ, ಅ. 10: ಪುರುಷರ ಜೂನಿಯರ್ 9ನೇ ಆಹ್ವಾನಿತ ಹಾಕಿ ಪಂದ್ಯಾವಳಿ ಸುಲ್ತಾನ್ ಆಫ್ ಜೋಹರ್ ಕಪ್ ತಾ. 12 ರಿಂದ 19ರವರೆಗೆ ಮಲೇಶಿಯಾದ ಜೋಹರ್ ಬಹ್ರುವಿನಲ್ಲಿ ನಡೆಯಲಿದೆ. ಈಗಾಗಲೇ ಭಾರತ ತಂಡ ಮಲೇಶಿಯಾಕ್ಕೆ ಪಯಣ ಬೆಳೆಸಿದ್ದು, ಪಂದ್ಯಾವಳಿಯಲ್ಲಿ ಭಾರತ, ಮಲೇಶಿಯಾ, ಆಸ್ಟ್ರೇಲಿಯಾ, ಗ್ರೇಟ್ ಬ್ರಿಟನ್, ನ್ಯೂಜಿಲ್ಯಾಂಡ್ ಹಾಗೂ ಜಪಾನ್ ತಂಡಗಳು ಭಾಗವಹಿಸಲಿವೆ.

ಸಿಂಗಲ್ ಪೂಲ್ ಲೀಗ್ ಪಂದ್ಯಾವಳಿ ಇದಾಗಿದ್ದು, ಪ್ರಥಮ ಹಾಗೂ ಎರಡನೇ ರ್ಯಾಂಕ್ ಗಳಿಸಿದ ತಂಡಗಳು ಅಂತಿಮ ಪಂದ್ಯದಲ್ಲಿ ಸೆಣಸಲಿವೆ. ಮೂರನೇ ಹಾಗೂ ನಾಲ್ಕನೇ ತಂಡಗಳು ಕಂಚಿನ ಪದಕಕ್ಕೆ ಆಡಲಿವೆ. 5 ಹಾಗೂ 6ನೇ ರ್ಯಾಂಕ್ ಗಳಿಸಿದ ತಂಡಗಳು 5ನೇ ಸ್ಥಾನಕ್ಕಾಗಿ ಆಡಲಿವೆ. ಹಾಕಿ ಕೊಡಗಿನ ಬೊಳ್ಳೇಪಂಡ ಜೆ. ಕಾರಿಯಪ್ಪ ಭಾರತ ತಂಡದ ತರಬೇತುದಾರರಾಗಿ ಕಾರ್ಯನಿರ್ವಹಿಸಲಿದ್ದಾರೆ ಎಂದು ಹಾಕಿ ಕರ್ನಾಟಕ ಕಾರ್ಯದರ್ಶಿ ಡಾ. ಎ.ಬಿ. ಸುಬ್ಬಯ್ಯ ತಿಳಿಸಿದ್ದಾರೆ.