ಸೋಮವಾರಪೇಟೆ, ಅ.10: ಇಲ್ಲಿನ ಜೈಜವಾನ್ ಮಾಜೀ ಸೈನಿಕರ ಸಂಘದ ವಾರ್ಷಿಕ ಮಹಾಸಭೆ ಮತ್ತು ಸಂತೋಷ ಕೂಟ ಕಾರ್ಯಕ್ರಮ ತಾ. 13 ರಂದು ಪೂರ್ವಾಹ್ನ 10.30 ಗಂಟೆಗೆ ಇಲ್ಲಿನ ಕೊಡವ ಸಮಾಜದಲ್ಲಿ ನಡೆಯಲಿದೆ.

ಸಭೆಯ ಅಧ್ಯಕ್ಷತೆಯನ್ನು ಸಂಘದ ಅಧ್ಯಕ್ಷ ಬಿ.ಆರ್. ಈರಪ್ಪ ವಹಿಸಲಿದ್ದು, ಮುಖ್ಯ ಅತಿಥಿಯಾಗಿ ಜಿಲ್ಲಾ ಮಾಜೀ ಸೈನಿಕರ ಸಂಘದ ಅಧ್ಯಕ್ಷ ಮೇ.ಜ. ಬಿ.ಎ. ಕಾರ್ಯಪ್ಪ, ಕರ್ನಲ್ ಪಿ.ಬಿ ಅಯ್ಯಪ್ಪ, ಲೇ. ಕರ್ನಲ್ ಗೀತಾ ಎಂ.ಶೆಟ್ಟಿ, ಮೇಜರ್ ಓ.ಎಸ್. ಚಿಂಗಪ್ಪ, ಸು.ಮೇ. ಎ.ಪಿ. ಸುಬ್ಬಯ್ಯ, ತಾ.ಪಂ. ಸದಸ್ಯೆ ಸವಿತಾ ಈರಪ್ಪ ಅವರುಗಳು ಭಾಗವಹಿಸಲಿದ್ದಾರೆ.

ಸಭೆಯ ನಂತರ ನಡೆಯುವ ಸಂತೋಷಕೂಟವನ್ನು ನಿವೃತ್ತ ಕರ್ನಲ್ ಬಿ.ಕೆ. ಅಣ್ಣಯ್ಯ, ನಿವೃತ್ತ ಮೇಜರ್ ಎಂ.ಕೆ. ಮಂದಪ್ಪ ಉದ್ಘಾಟಿಸಲಿದ್ದಾರೆ. ಎಸ್.ಎಸ್.ಎಲ್.ಸಿ. ಮತ್ತು ಪಿಯುಸಿ ಪರೀಕ್ಷೆಯಲ್ಲಿ ಹೆಚ್ಚು ಅಂಕಗಳಿಸಿದ ಸಂಘದ ಸದಸ್ಯರ ಈರ್ವರು ವಿದ್ಯಾರ್ಥಿಗಳಿಗೆ ಬಹುಮಾನ ವಿತರಿಸಲಾಗುವದು. ವಿವಿಧ ಕ್ಷೇತ್ರದ ಸಾಧನೆಗಾಗಿ ಯು.ಬಿ.ದಮಯಂತಿ, ಸಿ.ಸಿ. ಚಂದ್ರಮ್ಮ, ಡಿ.ಎಸ್. ಪೊನ್ನಪ್ಪ ಅವರುಗಳನ್ನು ಸನ್ಮಾನಿಸಲಾಗುವದು ಎಂದು ಸಂಘದ ಕಾರ್ಯದರ್ಶಿ ಬಸಪ್ಪ ತಿಳಿಸಿದ್ದಾರೆ.