ಕುಶಾಲನಗರ, ಅ. 10: 95ನೇ ವನ್ಯಜೀವಿ ಸಪ್ತಾಹ ಅಂಗವಾಗಿ ಅರಣ್ಯ ಇಲಾಖೆ ವತಿಯಿಂದ ದುಬಾರೆ ಸಾಕಾನೆ ಶಿಬಿರದಲ್ಲಿ ವನ್ಯಜೀವಿಗಳ, ಅರಣ್ಯದ ಕುರಿತು ಛಾಯಾಚಿತ್ರ ಪ್ರದರ್ಶನ ಏರ್ಪಡಿಸಲಾಗಿತ್ತು. ಈ ತಿಂಗಳ 6 ರಿಂದ ಪ್ರಾರಂಭವಾದ ಛಾಯಾಚಿತ್ರ ಪ್ರದರ್ಶನ 8 ರತನಕ ಜರುಗಿತು. 9 ರಂದು ವನ್ಯಜೀವಿ ಛಾಯಾಚಿತ್ರ ಮತ್ತು ಸಾಕ್ಷ್ಯಚಿತ್ರಗಳ ಕುರಿತು ಖ್ಯಾತ ವನ್ಯಜೀವಿ ಛಾಯಾಗ್ರಾಹಕ ದಿಲನ್ ಮಂದಣ್ಣ ಉಪನ್ಯಾಸ ನೀಡಿದರು.

ತಾ. 10 ರಂದು ಸರಿಸೃಪಗಳ ಸಂರಕ್ಷಣೆ ಕುರಿತು ಉಪನ್ಯಾಸವನ್ನು ಉರಗ ತಜ್ಞ ಎನ್. ಬೋಸ್ ಮಾದಪ್ಪ ನೀಡಿದರು.

ತಾ. 11 ರಂದು (ಇಂದು) ಪಕ್ಷಿ ವೀಕ್ಷಣೆ ಮತ್ತು ಪರಿಸರದೊಂದಿಗಿನ ಒಡನಾಟ ಕುರಿತು ಪಕ್ಷಿತಜ್ಞ ಡಾ. ಎಸ್.ವಿ. ನರಸಿಂಹನ್ ಉಪನ್ಯಾಸ ನೀಡುವರು.

ತಾ. 12 ರಂದು ಮಾಂದಲಪಟ್ಟಿ ಗಿರಿಧಾಮದಲ್ಲಿ ಸ್ವಚ್ಛತಾ ಕಾರ್ಯಕ್ರಮ, ತಾ. 13 ರಂದು ಮಡಿಕೇರಿ ಅರಣ್ಯ ಭವನದಿಂದ 5 ಮತ್ತು 10 ಕಿಮೀ ದೂರದ ಗುಡ್ಡಗಾಡು ಓಟ ಹಮ್ಮಿಕೊಳ್ಳಲಾಗಿದೆ. ತಾ. 13 ರಂದು ಬೆಳಗ್ಗೆ 7.30ಕ್ಕೆ ಅರಣ್ಯ ಭವನದಿಂದ ಗುಡ್ಡಗಾಡು ಓಟ ಪ್ರಾರಂಭವಾಗಲಿದೆ ಎಂದು ಅರಣ್ಯ ಇಲಾಖೆ ಪ್ರಕಟಣೆ ತಿಳಿಸಿದೆ.