ನಾಪೆÇೀಕ್ಲು, ಅ. 10: ದೈವಬಲ ಇದ್ದರೆ ಯಾರನ್ನು ಏನು ಮಾಡಲೂ ಸಾಧ್ಯವಿಲ್ಲ. ಏನು ಬೇಕಾದರೂ ಸಂಭವಿಸಬಹುದು ಎನ್ನುವದು ಆಸ್ತಿಕರ ನಂಬಿಕೆ. ಇದಕ್ಕೆ ಸಾಕ್ಷಿ ನಾಪೆÇೀಕ್ಲುವಿನಲ್ಲಿ ಸಂಚರಿಸುತ್ತಿದ್ದ ಕಾರಿನಿಂದ ಬಿದ್ದು ಪವಾಡ ಸದೃಶ್ಯವಾಗಿ ಮೇಲೆದ್ದ ಪುಟ್ಟ ಬಾಲಕಿ.

ನಾಪೆÇೀಕ್ಲು ಪಟ್ಟಣದ ಬಸ್ ನಿಲ್ದಾಣದ ಸಮೀಪ ಮುಖ್ಯ ರಸ್ತೆಯಲ್ಲಿ ಬಿಳಿ ಬಣ್ಣದ ಸ್ಯಾಂಟ್ರೋ ಕಾರೊಂದು ಸಂಚರಿಸುತ್ತಿತ್ತು. ಹಲಾಲ್ ಚಿಕನ್ ಮತ್ತು ಮಟನ್ ಸ್ಟಾಲ್ ಎದುರು ಸಾರ್ವಜನಿಕರು ನೋಡುತ್ತಿದ್ದಂತೆ ಕಾರಿನ ಹಿಂಬದಿ ಬಾಗಿಲು ತೆರೆದುಕೊಂದು ಸುಮಾರು ಮೂರು ವರ್ಷದ ಬಾಲಕಿ ರಸ್ತೆಗೆ ಉರುಳಿ ಬಿದ್ದಳು. ಕಾರಿನ ಚಾಲಕನಿಗೆ ಇದರ ಅರಿವಾಗುವಾಗ ಕಾರು 100 ಮೀ. ದೂರ ಕ್ರಮಿಸಿಯಾಗಿತ್ತು. ರಸ್ತೆಗೆ ಬಿದ್ದ ಮಗು ಪವಾಡ ಸದೃಶ್ಯ ಎಂಬಂತೆ ಮೇಲೆದ್ದು ನಿಂತು ಅಳಲು ಆರಂಭಿಸಿತು. ಜನ ಸೇರಲಾರಂಭಿಸಿದರು. ಇದರ ತೀವ್ರತೆ ಅರಿತ ಕಾರನ್ನು ಚಾಲಿಸುತ್ತಿದ್ದ ಯುವತಿ ಮಗುವನ್ನು ಕಾರಿನಲ್ಲಿ ಹತ್ತಿಸಿಕೊಂಡು ಪಲಾಯನಗೈದಳು.

ಆಗ ಸಾರ್ವಜನಿಕರಿಗೆ ತಿಳಿದದ್ದು, ಕಾರು ಓಡಿಸುತ್ತಿರುವದು ಪುರುಷ ಅಲ್ಲ. ಸ್ತ್ರಿ ಎಂದು ನೆರೆದವರೆಲ್ಲಾ ಮಗುವನ್ನು ವೀಕ್ಷಿಸುತ್ತಿದ್ದರೇ ವಿನಾಃ ಕಾರಿನ ಸಂಖ್ಯೆಯನ್ನು ಯಾರೂ ಗಮನಿಸಲಿಲ್ಲ. ಕಾರಿನಲ್ಲಿದ್ದವರ ವಿಳಾಸವೂ ತಿಳಿಯಲಿಲ್ಲ. ಮಾಂಸದ ಅಂಗಡಿಯಲ್ಲಿರಿಸಿದ ಸಿ.ಸಿ.ಕ್ಯಾಮರಾದಿಂದ ಇದರ ಪೂರ್ತಿ ಚಿತ್ರಣ ಲಭ್ಯವಾಗಿದೆ. ಇದನ್ನು ನೋಡುವಾಗ ಎಲ್ಲರಿಗೂ ಅರಿವಾಗಿದ್ದು ಮಗುವಿನ ಕೈನಲ್ಲಿದ್ದ ಬಲೂನಿನ ಮೇಲೆ ಮಗು ಬಿದ್ದ ಕಾರಣ ಯಾವದೇ ಅಪಾಯ ಸಂಭವಿಸಲಿಲ್ಲ. ಬಲೂನು ಮಗುವನ್ನು ರಕ್ಷಿಸಿತು ಎಂಬದು. ಇನ್ನಾದರೂ ಪುಟ್ಟ ಮಕ್ಕಳನ್ನು ವಾಹನದಲ್ಲಿ ಕರೆದೊಯ್ಯುವಾಗ ಎಚ್ಚರದಿಂದಿರಬೇಕು. ಎಲ್ಲರಿಗೂ ಇದುವೇ ಕರೆ ಘಂಟೆ ಎನ್ನುತ್ತಾರೆ ಇದನ್ನು ವೀಕ್ಷಿಸಿದ ಜನ.

-ಪಿ.ವಿ.ಪ್ರಭಾಕರ್