ಕಣಿವೆ, ಅ. 10: ಖಾಸಗಿ ಸಂಸ್ಥೆಯಿಂದ ನಡೆದ ಸ್ಪರ್ಧೆಯಲ್ಲಿ 2019 ರ ಮಿಸ್ ಇಂಡಿಯಾ ಆಗಿ ಆಯ್ಕೆಗೊಂಡಿದ್ದಾಳೆ. ಪಟ್ಟಣದ ದಂಡಿನ ಪೇಟೆ ನಿವಾಸಿ ಸಂಗೀತ ತರಬೇತುದಾರ ಪ್ಯಾಟ್ರಿಕ್ ಹಾಗೂ ಶಿಕ್ಷಕಿ ಮೇರೀಸ್ ಸ್ಟೆಲ್ಲಾ ಅವರ ಪುತ್ರಿ ಕ್ರಿಸ್ಟಿನಾ ಜೀಟಾ ಮಿಸ್ ಇಂಡಿಯಾ ಆಗಿ ಕೊಡಗು ಜಿಲ್ಲೆಗೆ ಕೀರ್ತಿ ತಂದಿದ್ದಾರೆ. ಆರ್ಟ್ ಬ್ಯಾಟಲ್ ಸಂಸ್ಥೆ ಮಿಸ್ ಇಂಡಿಯಾ ಸ್ಪರ್ಧೆ ಆಯೋಜಿಸಿತ್ತು. ಬೆಂಗಳೂರಿನ ಕೆಇಎ ಪ್ರಭ ರಂಗಮಂದಿರದಲ್ಲಿ ನಡೆದ ಅಂತಿಮ ಸುತ್ತಿನಲ್ಲಿ ಕ್ರಿಸ್ಟಿನಾ ಜೀಟಾ ವಿನ್ನರ್ ಆಗಿ ಹೊರ ಹೊಮ್ಮಿದ್ದಾರೆ. ಇವರಿಗೆ ಆರ್ಟ್ ಬ್ಯಾಟಲ್ ಸಂಸ್ಥೆಯ ಸಿಇಓ ನೀಲ್ ನಿತಿನ್, ಇವೆಂಟ್ ಸಂಯೋಜಕಿ ನೇಹಾ ಹಾಗೂ ಸನಾಂ ಬಹುಮಾನ ವಿತರಿಸಿದರು. ಕ್ರಿಸ್ಟಿನಾ ಜೀಟಾ ಪ್ರಾಥಮಿಕ ಹಾಗೂ ಪ್ರೌಢಶಿಕ್ಷಣವನ್ನು ಕುಶಾಲನಗರದ ಫಾತಿಮಾ ಕಾನ್ವೆಂಟ್‍ನಲ್ಲಿ ಮುಗಿಸಿ, ಪಿಯು ಶಿಕ್ಷಣವನ್ನು ಮಂಗಳೂರಿನ ಸಂತ ಅಲೋಷಿಯಸ್ ಕಾಲೇಜಿನಲ್ಲಿ ಮುಗಿಸಿ ಈಗ ಬೆಂಗಳೂರಿನ ಕ್ಲಾರೆಟ್ ಕಾಲೇಜಿನಲ್ಲಿ ಪದವಿ ಶಿಕ್ಷಣ ಮಾಡುತ್ತಿದ್ದಾರೆ.