ವೀರಾಜಪೇಟೆ, ಅ. 10: ಅಮ್ಮತ್ತಿ ಒಂಟಿಯಂಗಡಿಯ ಹಿಂದು ಮಲಯಾಳಿ ಸಂಘದಿಂದ ತಾ. 13 ರಂದು ನಾಲ್ಕನೇ ವರ್ಷದ ಓಣಂ ಉತ್ಸವವನ್ನು ಆಯೋಜಿಸಲಾಗಿದೆ ಎಂದು ಸಂಘದ ಅಧ್ಯಕ್ಷ ಕೆ.ಸಿ. ಪುಷ್ಕರ್ ತಿಳಿಸಿದರು.

ಹಿಂದೂ ಮಲಯಾಳಿ ಸಂಘದಿಂದ ಪತ್ರಿಕಾಗೋಷ್ಠಿಯನ್ನುದ್ದೇಶಿಸಿ ಮಾತನಾಡಿದ ಅವರು, ಓಣಂ ಉತ್ಸವದ ಅಂಗವಾಗಿ ಬೆಳಿಗ್ಗೆ 7 ಗಂಟೆಗೆ ಪೂಕಳಂ ಸ್ಪರ್ಧೆಯನ್ನು ಸಂಘದ ಸಮಿತಿ ಸದಸ್ಯೆ ಪ್ರೇಮಕೃಷ್ಣ ಉದ್ಘಾಟಿಸಲಿರುವರು. ಬೆಳಿಗ್ಗೆ 9ಗಂಟೆಗೆ ಕ್ರೀಡಾ ಸ್ಪರ್ಧೆಗೆ ಸಂಘದ ಉಪಾಧ್ಯಕ್ಷ ಪಿ.ಕೆ. ಭಾಸ್ಕರನ್ ಚಾಲನೆ ನೀಡಲಿದ್ದಾರೆ ಎಂದರು.

ಸಂಘದ ಕಾರ್ಯದರ್ಶಿ ಸಿ.ಕೆ. ನಂದಕುಮಾರ್ ಮಾತನಾಡಿ ಅಮ್ಮತ್ತಿ ಒಂಟಿಯಂಗಡಿ ಮೈದಾನದಲ್ಲಿ ನಡೆಯುವ ಓಣಂ ಉತ್ಸವದ ಸಭಾ ಕಾರ್ಯಕ್ರಮವು ಕೆ.ಸಿ. ಪುಷ್ಕರನ್ ಅವರ ಅಧ್ಯಕ್ಷತೆಯಲ್ಲಿ ನಡೆಯಲಿದ್ದು, ಅತಿಥಿಗಳಾಗಿ ಕೊಡಗು ಜಿಲ್ಲೆ ಹಿಂದು ಮಲಯಾಳಿ ಸಮಾಜದ ಅಧ್ಯಕ್ಷ ಕೆ.ಎಸ್. ರಮೇಶ್, ಗೌರವ ಅಧ್ಯಕ್ಷ ವಿ.ಎಂ. ವಿಜಯನ್, ವಕೀಲ ವಿ.ಕೆ. ದೇವಲಿಂಗಯ್ಯ, ಕಾಫಿ ಬೆಳೆಗಾರ ಬಿ.ಸಿ. ಮಹೇಂದ್ರ ಮೊದಲಾದವರು ಭಾಗವಹಿಸಲಿದ್ದಾರೆ ಎಂದರು.

ಇದೇ ಸಮಾರಂಭದಲ್ಲಿ ಎಸ್.ಎಸ್.ಎಲ್.ಸಿ. ದ್ವಿತೀಯ ಪಿಯುಸಿ ಪರೀಕ್ಷೆಯಲ್ಲಿ ಅತೀ ಹೆಚ್ಚು ಅಂಕ ಗಳಿಸಿದ ವಿದ್ಯಾರ್ಥಿಗಳಿಗೆ ಬಹುಮಾನಗಳನ್ನು ನೀಡಲಾಗುವದು. ಅಪರಾಹ್ನ 2 ಗಂಟೆಗೆ ಸಾಂಸ್ಕøತಿಕ ಕಾರ್ಯಕ್ರಮವನ್ನು ಏರ್ಪಡಿಸಲಾಗಿದೆ. ಹೆಚ್ಚಿನ ಮಾಹಿತಿಗಾಗಿ ಮೊ. 8762279442ನ್ನು ಸಂಪರ್ಕಿಸಬಹುದು. ಎಂದು ಹೇಳಿದರು.

ಗೋಷ್ಠಿಯಲ್ಲಿ ಟಿ.ಎಂ. ರಮೇಶ್, ಟಿ.ಎನ್. ಹರೀಶ್, ಮುತ್ತಪ್ಪ ಹಾಗೂ ಟಿ.ಎಂ. ಸುನೀಲ್ ಉಪಸ್ಥಿತರಿದ್ದರು.