ದಂಡದ ಮೊತ್ತ ಇಳಿಕೆ ಬೆಂಗಳೂರು, ಸೆ. 21: ವಾಹನ ಚಾಲಕರು, ಸವಾರರ ತೀವ್ರ ಆಕ್ರೋಶಕ್ಕೆ ಕಾರಣವಾಗಿದ್ದ ಕೇಂದ್ರ ಸರಕಾರ ಜಾರಿಗೊಳಿಸಿದ್ದ ಸಂಚಾರ ನಿಯಮ ಉಲ್ಲಂಘನೆಯ ದುಬಾರಿ ದಂಡಕ್ಕೆ ರಾಜ್ಯ ಸರ್ಕಾರ ಕೊನೆಗೂ ಬ್ರೇಕ್ ಹಾಕಿದೆ.ರಾಜ್ಯ ಸರ್ಕಾರ ಇಂದು ಸಂಚಾರ ನಿಯಮ ಉಲ್ಲಂಘನೆಯ ದಂಡ ಮೊತ್ತವನ್ನು ಇಳಿಕೆ ಮಾಡಿ ಆದೇಶ ಹೊರಡಿಸಿದ್ದು ಮದ್ಯ ಸೇವಿಸಿ ವಾಹನ ಚಲಾಯಿಸಿದರೆ 10 ಸಾವಿರ ರೂ. ದಂಡ (ಇದನ್ನು ಹಾಗೆ ಉಳಿಸಿಕೊಳ್ಳಲಾಗಿದೆ) ಹಾಗೂ ಲೈಸೆನ್ಸ್ ಇಲ್ಲದಿದ್ದರೆ ಈ ಮೊದಲು 5 ಸಾವಿರ ರೂ. ದಂಡ ವಿಧಿಸಲಾಗಿತ್ತು. ಅದನ್ನು ಈಗ 1 ಸಾವಿರ ರೂ.ಗೆ ಇಳಿಕೆ ಮಾಡಲಾಗಿದೆ. ಹೆಲ್ಮೆಟ್ ಧರಿಸದೆ ಇದ್ದರೆ ವಿಧಿಸಲಾಗುತ್ತಿದ್ದ 1,000 ರೂ. ಇದ್ದ ದಂಡ ಮೊತ್ತವನ್ನು 500 ರೂ.ಗೆ ಇಳಿಸಲಾಗಿದೆ. ಪರವಾನಗಿ ರಹಿತ ವಾಹನ ಚಾಲನೆಗೆ ಇದ್ದ ದಂಡ ಪ್ರಮಾಣವನ್ನು 10,000 ದಿಂದ 5,000ಕ್ಕೆ ಇಳಿಸಲಾಗಿದೆ. ಸೀಟ್ ಬೆಲ್ಟ್ ಧರಿಸದೆ ವಾಹನ ಚಲಾಯಿಸುವುದಕ್ಕೆ ಇದ್ದ ದಂಡವನ್ನು ರೂ. 1,000 ದಿಂದ 500 ರೂ,ಗೆ ತಗ್ಗಿಸಲಾಗಿದೆ. ಪರವಾನಗಿ ಇಲ್ಲದ ವಾಹನಗಳಿಗೆ 10,000 ರೂ. ದಂಡ ನಿಗದಿಪಡಿಸಲಾಗಿತ್ತು. ಅದನ್ನು 5 ಸಾವಿರ ರೂ.ಗೆ ಇಳಿಸಲಾಗಿದೆ.

ಯಾವದಕ್ಕೆ ಎಷ್ಟು ದಂಡ?

ಹೆಲ್ಮೆಟ್ ಧರಿಸದಿದ್ದರೆ ರೂ. 500, ಸೀಟ್ ಬೆಲ್ಟ್ ಧರಿಸದಿದ್ದರೆ ರೂ. 500, ಸುರಕ್ಷತಾ ಕ್ರಮ ಅನುಸರಿಸದಿದ್ದರೆ ರೂ.500, ರಸ್ತೆ ನಿಯಮ ಉಲ್ಲಂಘನೆಗೆ ರೂ. 1000, ಇನ್ಶೂರೆನ್ಸ್ ಇಲ್ಲದಿದ್ದರ್ರೆ(ಬೈಕ್, ಆಟೋ)ರೂ.2000, ಇನ್ಶೂರೆನ್ಸ್ ಇಲ್ಲದಿದ್ದರೆ (ಕಾರು, ಜೀಪ್)ರೂ. 3000, ಇನ್ಶೂರೆನ್ಸ್ ರಹಿತ(ಭಾರಿ ವಾಹನ)ರೂ.5000, ಲೈಸೆನ್ಸ್ ಇಲ್ಲದಿದ್ದರೆÉ್ರ ರೂ. 1,000, ಆಂಬುಲೆನ್ಸ್‍ಗೆ ದಾರಿ ಬಿಡದಿದ್ದರÉ ರೂ, 1,000, ಅನಧಿಕೃತ ವ್ಯಕ್ತಿ ಚಾಲನೆಗೆ (ಬೈಕ್, ತ್ರಿಚಕ್ರ) ರೂ.1000, ಅನಧಿಕೃತ ವ್ಯಕ್ತಿ ಚಾಲನೆಗೆ (ಕಾರು, ಜೀಪ್) ರೂ.2000, ಅನಧಿಕೃತ ವ್ಯಕ್ತಿ ಚಾಲನೆಗೆ É(ಭಾರಿ ವಾಹನ) ರೂ.5000, ಅತಿವೇಗ ಚಾಲನೆಗೆÉ (ಬೈಕ್, ತ್ರಿಚಕ್ರ) ರೂ.1,500, ಅತಿವೇಗ ಚಾಲನೆಗೆÉ (ಕಾರು, ಜೀಪ್) ರೂ.3000, ಅತಿವೇಗ ಚಾಲನೆಗೆÉ (ಭಾರಿ ವಾಹನ) ರೂ.5000, ನೋಂದಣಿ ರಹಿತ ಚಾಲನೆ (ಬೈಕ್, ತ್ರಿಚಕ್ರ) ರೂ.2000, ನೋಂದಣಿ ರಹಿತ ಚಾಲನೆ (ಕಾರು, ಜೀಪ್) ರೂ.3000, ನೋಂದಣಿ ರಹಿತ ಚಾಲನೆ(ಕಾರು, ಜೀಪ್) ರೂ.3000, ನೋಂದಣಿರಹಿತ ಚಾಲನೆ (ಭಾರಿ ವಾಹನ) ರೂ.5000.