ನಾಪೆÉÇೀಕ್ಲು, ಏ. 27: ಕಕ್ಕಬ್ಬೆ ದಿ ಹೈಲ್ಯಾಂಡರ್ಸ್ ಫ್ಯಾಮಿಲಿ ಕ್ಲಬ್ ವತಿಯಿಂದ ನಾಪೆÇೀಕ್ಲು ಜನರಲ್ ಕೆ.ಎಸ್.ತಿಮ್ಮಯ್ಯ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಹೈಲ್ಯಾಂಡರ್ಸ್ ಇನ್ವಿಟೇಶನ್ ಕಪ್ ಚಾರಿಟಿ ಟೂರ್ನಮೆಂಟ್ ಪಂದ್ಯಾಟದ ಇನ್ವಿಟೇಶನ್ ಹಾಕಿ ಪಂದ್ಯಾಟದಲ್ಲಿ ತಂಬುಕುತ್ತಿರ ಹಾಗೂ ಮುಕ್ಕಾಟಿರ, ವಾರಿಯರ್ಸ್ ಕಪ್ ಹಾಕಿಯಲ್ಲಿ ಕಲಿಯಂಡ ಹಾಗೂ ಚೆಪ್ಪುಡಿರ ತಂಡಗಳು ಫೈನಲ್ ತಲುಪಿವೆ.

ಇನ್ವಿಟೇಶನ್ ಹಾಕಿ ಪಂದ್ಯಾಟದ ಸೆಮಿ ಫೈನಲ್ಸ್‍ನಲ್ಲಿ ನಡೆದ ನಾಗಂಡ ಮತ್ತು ತಂಬುಕುತ್ತಿರ ತಂಡಗಳ ನಡುವೆ ನಡೆದ ಪಂದ್ಯಾಟದಲ್ಲಿ ತಂಬುಕುತ್ತಿರ ತಂಡವು ನಾಗಂಡ ತಂಡವನ್ನು 3-2 ಗೋಲಿನಿಂದ ಸೋಲಿಸಿತು. ನಾಗಂಡ ತಂಡದ ಪರ ದಿವಿನ್ ಎರಡು ಗೋಲು ದಾಖಲಿಸಿದರೆ, ತಂಬುಕುತ್ತಿರ ತಂಡದ ಪರ ಶರಣು ಒಂದು, ದೀಪು ತಂಗಪ್ಪ ಎರಡು ಗೋಲು ದಾಖಲಿಸಿ ತಂಡದ ಗೆಲುವಿಗೆ ಕಾರಣರಾದರು. ಮುಕ್ಕಾಟಿರ ಮತ್ತು ಶಾಂತೆಯಂಡ ತಂಡಗಳ ನಡುವೆ ನಡೆದ ಪಂದ್ಯಾಟದಲ್ಲಿ ಮುಕ್ಕಾಟಿರ ತಂಡವು ಶಾಂತೆಯಂಡ ತಂಡವನ್ನು 3-2 ಗೋಲಿನ ಅಂತರದಿಂದ ಮಣಿಸಿತು. ಶಾಂತೆಯಂಡ ತಂಡದ ಪರ ನಿಶಾಂತ್, ಬಿಪಿನ್ ತಲಾ ಒಂದೊಂದು ಗೋಲುಗಳಿಸಿದರೆ, ಮುಕ್ಕಾಟಿರ ತಂಡದ ಪರ ಸತನ್, ಅರ್ಜುನ್, ದೀಪಕ್ ತಲಾ ಒಂದೊಂದು ಗೋಲು ದಾಖಲಿಸುವದರ ಮೂಲಕ ತಂಡದ ಗೆಲುವಿಗೆ ಕಾರಣರಾದರು.

ವಾರಿಯರ್ಸ್ ಕಪ್ ಹಾಕಿಯಲ್ಲಿ ನಡೆದ ಅರೆಯಡ ಮತ್ತು ಕಲಿಯಂಡ ತಂಡಗಳ ನಡುವಿನ ಪಂದ್ಯದಲ್ಲಿ ಟೈಬ್ರೇಕರ್ ಮೂಲಕ ಕಲಿಯಂಡ ತಂಡವು ಅರೆಯಡ ತಂಡವನ್ನು 5-4 ಗೋಲಿನಿಂದ ಮಣಿಸಿತು. ಚೆಪ್ಪುಡಿರ ಮತ್ತು ಮಂಡೇಪಂಡ ತಂಡಗಳ ನಡುವೆ ನಡೆದ ಪಂದ್ಯದಲ್ಲಿ ಚೆಪ್ಪುಡಿರ ತಂಡವು ಮಂಡೇಪಂಡ ತಂಡವನ್ನು 2-0 ಗೋಲಿನ ಅಂತರದಿಂದ ಮಣಿಸಿತು. ಚೆಪ್ಪುಡಿರ ತಂಡದ ಪರ ಚೇತನ್ ಹಾಗೂ ನರೆನ್ ಕಾರ್ಯಪ್ಪ ತಲಾ ಒಂದೊಂದು ಗೋಲು ದಾಖಲಿಸುವದರ ಮೂಲಕ ತಂಡದ ಗೆಲುವಿಗೆ ಕಾರಣರಾದರು.