ಮಡಿಕೇರಿ, ಮಾ. 29: ಚುನಾವಣಾ ನೀತಿ ಸಂಹಿತೆಯಡಿ ಮದ್ಯ ಮಾರಾಟ ಮಳಿಗೆಗೆ ಧಾಳಿ ಮಾಡಿದ ಅಬಕಾರಿ ವಿಚಕ್ಷಣ ದಳದವರು ಒಟ್ಟು ರೂ. 48.50 ಲಕ್ಷ ಮೊತ್ತದ ಮದ್ಯವನ್ನು ವಶಪಡಿಸಿಕೊಂಡಿದ್ದಾರೆ.

ಇಲಾಖೆಯ ಹಿರಿಯ ಅಧಿಕಾರಿಗಳ ಮಾರ್ಗದರ್ಶನ ದೊಂದಿಗೆ ನಿನ್ನೆ ಸಂಜೆ ಜಗನ್ನಾಥ್ ಎಂಬವರಿಗೆ ಸೇರಿದ ಕುಶಾಲನಗರದ ಕದಂಬ ಮದ್ಯ ಮಾರಾಟ ಮಳಿಗೆಗೆ ಧಾಳಿ ನಡೆಸಲಾಗಿದ್ದು, ಈ ಸಂದರ್ಭ ದಾಖಲಾತಿಯಿದ್ದುದಕ್ಕಿಂತ ಅಧಿಕ ಮದ್ಯ ದಾಸ್ತಾನಿದ್ದುದು ಪತ್ತೆಯಾಗಿದೆ. ಹಾಗಾಗಿ ಇಲಾಖೆ ವತಿಯಿಂದ ಮಳಿಗೆಯಲ್ಲಿ ಎಲ್ಲ 2941.135 ಐ.ಎಂ.ಎಲ್. ಮದ್ಯ ಹಾಗೂ 2965.660 ಲೀ. ಬಿಯರ್ ಅನ್ನು ವಶಪಡಿಸಿಕೊಳ್ಳಲಾಗಿದೆ. ವಶಪಡಿಸಿಕೊಳ್ಳಲಾದ ಮದ್ಯದ ಮೊತ್ತ ರೂ. 48.50 ಲಕ್ಷ ಆಗಿದ್ದು, ಈ ಸಂಬಂಧ ಸಿಬ್ಬಂದಿ ಸಂತೋಷ್ ಎಂಬಾತನನ್ನು ಬಂಧಿಸಿ ನ್ಯಾಯಾಂಗ ವಶಕ್ಕೊಪ್ಪಿಸಲಾಗಿದೆ.

ಕಾರ್ಯಾಚರಣೆಯಲ್ಲಿ ವಿಚಕ್ಷಣ ದಳದ ಇನ್ಸ್‍ಪೆಕ್ಟರ್ ಚಂದ್ರಶೇಖರ್, ಸಬ್‍ಇನ್ಸ್‍ಪೆಕ್ಟರ್ ಜಗನ್ನಾಥ್ ನಾಯರ್, ಸಿಬ್ಬಂದಿ ಉತ್ತಪ್ಪ ಇದ್ದರು.