ಗುಡ್ಡೆಹೊಸೂರು, ಮಾ. 28: ಇಲ್ಲಿನ ಬೋಳೂರು ಗ್ರಾಮದಲ್ಲಿ ಸ್ವಾಮಿ ವಿವೇಕಾನಂದರ ಜೀವನಾದಾರಿತ ಶ್ರೀಸುಧಾ ಕಾರ್ಯಕ್ರಮ ನಡೆಯಿತು. ಕಾರ್ಯಕ್ರಮದಲ್ಲಿ ನೂರಾರು ಮಂದಿ ಗ್ರಾಮಸ್ಥರು ಬಾಗವಹಿಸಿದ್ದರು.

ಇಲ್ಲಿನ ನಿವಾಸಿ ಎ.ಎ. ಪಾರ್ವತಿ ಅವರ ನಿವಾಸದಲ್ಲಿ ಕಾರ್ಯಕ್ರಮ ಏರ್ಪಡಿಸಲಾಗಿತ್ತು. ಈ ಸಂದರ್ಭ ಸಂಸ್ಥೆಯ ಸದಸ್ಯರಿಂದ ಭಜನೆ ಕಾರ್ಯಕ್ರಮ ನಡೆಯಿತು. ಡಿವೈನ್ ಸಂಸ್ಥೆಯ ಮಡಿಕೇರಿಯವರಾದ ಪದ್ಮವೇಣಿ, ಗೋಪಾಲಕೃಷ್ಣ, ಕುಶಾಲನಗರದ ಲತಾ ಮತ್ತು ಮೂರ್ನಾಡಿನ ವೀಣಾ ನೆರೆದಿದ್ದ ಗ್ರಾಮಸ್ಥರಿಗೆ ಪ್ರವಚನ ನೀಡಿದರು. ಪ್ರೀತಿ, ದಯೇ, ಕ್ಷಮೆ, ನಿಸ್ವಾರ್ತ ಸೇವೆ, ಪ್ರಮಾಣಿಕತೆ, ಕರ್ತವ್ಯ ಇದನ್ನು ಪ್ರತಿಯೊಬ್ಬರೂ ತಮ್ಮ ಜೀವನದಲ್ಲಿ ಅಳವಡಿಸಿಕೊಂಡು ನಡೆದರೆ ಮನುಷ್ಯ ಪರಿಪೂರ್ಣನಾಗುತ್ತಾನೆ ಎಂಬದಾಗಿ ವೇದಿಕೆಯಲ್ಲಿದ್ದ ಗಣ್ಯರು ತಮ್ಮ ಪ್ರವಚನದಲ್ಲಿ ವಿವರಿಸಿದರು.