ಗೋಣಿಕೊಪ್ಪಲು, ಮಾ. 28: ಇಲ್ಲಿನ ಕಾವೇರಿ ಕಾಲೇಜಿನ ಎಂ.ಕಾಂ. ವಿಭಾಗದ ವಿದ್ಯಾರ್ಥಿನಿಯರು ಕಾಲೇಜಿನ ಆವರಣದಲ್ಲಿರುವ ಗಿಡಗಳಿಗೆ ನೀರು ತುಂಬಿದ ಡಬ್ಬಗಳನ್ನು ತೂಗುಹಾಕಿ ಆವರಣದಲ್ಲಿರುವ ಗುಬ್ಬಚ್ಚಿಗಳಿಗೆ ನೀರಿನ ವ್ಯವಸ್ಥೆಯನ್ನು ಮಾಡಿಕೊಡುವ ಮೂಲಕ ವಿಶ್ವ ಗುಬ್ಬಚ್ಚಿ ದಿನವನ್ನು ಆಚರಿಸಿದರು. ಎಂ.ಕಾಂ. ವಿಭಾಗದ ಮುಖ್ಯಸ್ಥೆ ಡಾ. ಎಸ್.ಎನ್. ಬೀನ ಅವರ ಮಾರ್ಗದರ್ಶನದಲ್ಲಿ ವಿದ್ಯಾರ್ಥಿನಿಯರಾದ ಹರಿಣಿ, ಗೌತಮಿ, ಧನ್ಯ, ಲೀನ, ಲಿಖಿತ, ಆಶ್ರಿತ, ಧನ್ಯ ಮುತ್ತಪ್ಪ, ಶಭಾನ, ಭಾಗವಹಿಸಿದ್ದರು. ಈ ಸಂದರ್ಭ ಎಂ.ಕಾಂ ವಿದ್ಯಾರ್ಥಿನಿ ದನ್ಯ ಗುಬ್ಬಚ್ಚಿಗಳ ಬಗ್ಗೆ ಕವನ ಬರೆಯುವ ಮೂಲಕ ಗಮನ ಸೆಳೆದರು.