ಮಡಿಕೇರಿ, ಮಾ. 28 : ಮಡಿಕೇರಿಯ ವಾಂಡರರ್ಸ್ ಸ್ಪೋಟ್ರ್ಸ್ ಕ್ಲಬ್ ವತಿಯಿಂದ ತಾ. 29 ರಿಂದ ಮೇ 2ರ ವರೆಗೆ ಮಕ್ಕಳಿಗಾಗಿ 26ನೇ ವರ್ಷದ ದಿ. ಶಂಕರ್ ಸ್ವಾಮಿ ಉಚಿತ ಬೇಸಿಗೆ ಶಿಬಿರ ನಡೆಯಲಿದೆ.

ನಗರದ ಜನರಲ್ ತಿಮ್ಮಯ್ಯ ಜಿಲ್ಲಾ ಕ್ರೀಡಾಂಗಣದಲ್ಲಿ ಪ್ರತಿದಿನ ಬೆಳಗ್ಗೆ 6.30 ರಿಂದ ಬೆಳಗ್ಗೆ 8.45ರ ವರೆಗೆ ಶಿಬಿರ ನಡೆಯಲಿದ್ದು, 6 ವರ್ಷದಿಂದ 16 ವರ್ಷದ ವರೆಗಿನ ಮಕ್ಕಳಿಗೆ ಕ್ರೀಡಾ ತರಬೇತಿ ನೀಡಲಾಗುವದು.

ಶಿಬಿರದಲ್ಲಿ ನುರಿತ ತರಬೇತುದಾರ ರಿಂದ ಹಾಕಿ, ಯೋಗ ಹಾಗೂ ಅಥ್ಲೆಟಿಕ್ಸ್‍ನಲ್ಲಿ ವಿಶೇಷ ತರಬೇತಿ ನೀಡ ಲಾಗುತ್ತದೆ. ಪ್ರತಿದಿನ ವಿದ್ಯಾರ್ಥಿಗಳಿಗೆ ಹಾಲು, ಮೊಟ್ಟೆ, ಬ್ರೆಡ್ ಹಾಗೂ ಬಾಳೆ ಹಣ್ಣನ್ನು ವಿತರಿಸಲಾಗುವದು.

ಏ.1 ರಂದು ದಿ. ಶಂಕರ್‍ಸ್ವಾಮಿ ಅವರ ಹುಟ್ಟು ಹಬ್ಬದಂದು ಶಿಬಿರ ಉದ್ಘಾಟನೆಗೊಳ್ಳಲಿದೆ ಎಂದು ಕ್ಲಬ್‍ನ ಸಂಘಟಕರು ತಿಳಿಸಿದ್ದಾರೆ. ಹೆಚ್ಚಿನ ಮಾಹಿತಿಗಾಗಿ 94488 95950ನ್ನು ಸಂಪರ್ಕಿಸಬಹುದಾಗಿದೆ.