ಶನಿವಾರಸಂತೆ, ಮಾ. 28: ಹೆಗ್ಗಳ ಗ್ರಾಮದ ಮುಖ್ಯ ರಸ್ತೆ ಬದಿಯಲ್ಲಿ ನಿಲ್ಲಿಸಿದ್ದ ಸ್ಕೂಟರ್ (ಕೆಎ 12-ಎಸ್2162) ಹಾಗೂ ಸ್ಕೂಟರ್‍ನ ಪಕ್ಕದಲ್ಲಿ ನಿಂತಿದ್ದ ಸವಾರನಿಗೂ ಪಿಕಪ್ ಚಾಲಕ ಡಿಕ್ಕಿಪಡಿಸಿ ಪರಾರಿಯಾದ ಪ್ರಕರಣ ಶನಿವಾರಸಂತೆ ಪೊಲೀಸ್ ಠಾಣೆಯಲ್ಲಿ ದಾಖಲಾಗಿದೆ.

ಸೋಮವಾರಪೇಟೆಯ ಕಾನ್ವೆಂಟ್‍ಬಾಣೆ ಹಾನಗಲ್ಲು ಗ್ರಾಮದ ನಿವಾಸಿ ರಾಮಪ್ಪ ಹಾಗೂ ಸುಜಿತ್ ಅವರುಗಳು ಸ್ಕೂಟರ್‍ನಲ್ಲಿ ಶನಿವಾರಸಂತೆಗೆ ಬಂದು ಕೆಲಸ ಮುಗಿಸಿ ವಾಪಾಸು ತೆರಳುತ್ತಿದ್ದಾಗ ಸ್ಕೂಟರ್ ಚಾಲನೆ ಮಾಡುತ್ತಿದ್ದ ಸುಜಿತ್ ಹೆಗ್ಗಳ ಗ್ರಾಮದ ಬಳಿ ಸ್ಕೂಟರ್ ನಿಲ್ಲಿಸಿ ಮೂತ್ರ ವಿಸರ್ಜನೆ ಮಾಡಲು ತೆರಳಿದ್ದರು. ರಾಮಪ್ಪ ಸ್ಕೂಟರ್ ಬಳಿ ನಿಂತಿದ್ದ ಸಂದರ್ಭ ಎದುರುಗಡೆಯಿಂದ ಬಂದ ಪಿಕಪ್ ಡಿಕ್ಕಿಯಾಗಿದೆ. ಪರಿಣಾಮವಾಗಿ ರಾಮಪ್ಪ ಗಾಯಗೊಂಡಿದ್ದು, ಸ್ಕೂಟರ್ ಜಖಂಗೊಂಡಿದೆ. ಚಾಲಕ ಪರಾರಿಯಾಗಿದ್ದಾನೆ.