ಕೂಡಿಗೆ, ಮಾ. 28: ಸಂಚಾರಿ ನಿಯಮ ಉಲ್ಲಂಘಿಸಿದವರಿಗೆ ಕುಶಾಲನಗರ ಸಂಚಾರಿ ಪೆÇಲೀಸರು ಕಳೆದ ಮೂರು ತಿಂಗಳುಗಳಿಂದ ಸುಮಾರು 6 ಲಕ್ಷಕ್ಕೂ ಅಧಿಕ ದಂಡ ವಿಧಿಸಿದ್ದಾರೆ.

ಪಾನಮತ್ತರಾಗಿ ವಾಹನ ಚಲಾಯಿಸಿರುದ 60 ಪ್ರಕರಣಗಳು, ವಾಹನ ಪರವಾನಿಗೆ, ಇನ್ಶೂರೆನ್ಸ್ ಇಲ್ಲದೆ, ಸಮವಸ್ತ್ರ ಧರಿಸದೇ ವಾಹನ ಚಲಾಯಿಸುವ ಚಾಲಕರಿಗೆ, ಆಟೋ, ಕಾರು ಹಾಗೂ ಲಾರಿ ಚಾಲಕರುಗಳಿಗೆ ದಂಡ ವಿಧಿಸಲಾಗಿದ್ದು, ಇದರಲ್ಲಿ ಹೆಲ್ಮೆಟ್ ಧರಿಸದೇ ಸಂಚರಿಸುವವರಿಗೆ ದಂಡ ವಿಧಿಸಿರುವ ಪ್ರಕರಣ ಹೆಚ್ಚಿದೆ.

ಕುಶಾಲನಗರದ ಪ್ರಮುಖ ರಸ್ತೆಗಳಲ್ಲಿ, ಕೂಡಿಗೆ-ಹಾಸನ ರಾಜ್ಯ ಹೆದ್ದಾರಿ, ಕುಶಾಲನಗರ-ಮಡಿಕೇರಿ ರಸ್ತೆ, ಕುಶಾಲನಗರ- ಮೈಸೂರು ರಸ್ತೆ, ಕೂಡಿಗೆ-ಸೋಮವಾರಪೇಟೆ ರಸ್ತೆಯಲ್ಲಿ ಸಂಚಾರಿ ಪೆÇಲೀಸರು ಸಂಚಾರಿ ನಿಯಮ ಉಲ್ಲಂಘಿತರಿಗೆ ದಂಡ ವಿಧಿಸಿದ್ದಾರೆ.