ಗೋಣಿಕೊಪ್ಪಲು, ಮಾ. 28: ಸೇನೆಯಿಂದ ನೀಡುವ ಪ್ರತಿಷ್ಠಿತ ಶೌರ್ಯ ಚಕ್ರ ಪ್ರಶಸ್ತಿಗೆ ಭಾಜನರಾದ ಪೊನ್ನಂಪೇಟೆಯ ಮಹಾತ್ಮಗಾಂಧಿ ನಗರದ ನಿವಾಸಿಗಳಾದ ನಾಗರಾಜ್ ಮತ್ತು ಲಕ್ಷ್ಮಿ ದಂಪತಿ ಪುತ್ರ ಹೆಚ್.ಎನ್. ಮಹೇಶ್ ಅವರನ್ನು ಕರ್ನಾಟಕ ರಾಜ್ಯ ರೈತ ಸಂಘ ಹಾಗೂ ಹಸಿರು ಸೇನೆಯ ರಾಜ್ಯಾಧ್ಯಕ್ಷ ಬಡಗಲಪುರ ನಾಗೇಂದ್ರ ಗೌರವಿಸಿದರು.

ಸಣ್ಣ ವಯಸ್ಸಿನಲ್ಲಿ ಹೆಚ್.ಎನ್. ಮಹೇಶ್‍ಗೆ ಸಿಕ್ಕಿರುವ ಗೌರವವನ್ನು ಶ್ಲಾಘಿಸಿದ ರೈತ ಮುಖಂಡರು ದೇಶ ಸೇವೆಯನ್ನು ಮುಂದುವರೆಸುವಂತೆ ರಾಜ್ಯದ ಜಿಲ್ಲೆಯ ಕೀರ್ತಿ ಪತಾಕೆಯನ್ನು ಮತ್ತಷ್ಟು ಎತ್ತರಕ್ಕೆ ಕೊಂಡೊಯ್ಯುವಂತೆ ಹೇಳಿದರು.

ಈ ಸಂದರ್ಭ ಕರ್ನಾಟಕ ರಾಜ್ಯ ರೈತ ಸಂಘ ಹಾಗೂ ಹಸಿರು ಸೇನೆಯ ಕೊಡಗು ಜಿಲ್ಲಾಧ್ಯಕ್ಷ ಕಾಡ್ಯಮಾಡ ಮನು ಸೋಮಯ್ಯ, ರಾಜ್ಯ ಮುಖಂಡರಾದ ಮಂಡ್ಯ ನಂಜುಂಡೇಗೌಡ, ಜಿಲ್ಲಾ ಮುಖಂಡರಾದ ಕೊಂಗೇರ ಗಣಪತಿ, ಬೋಡಂಗಡ ಅಶೋಕ್, ಮಂಡ್ಯ ಮುಖಂಡರಾದ ಮಹಾದೇವ್, ಕೃಷ್ಣ, ನಿಂಗೇಗೌಡ, ರವಿ ಸೇರಿದಂತೆ ಪೊನ್ನಂಪೇಟೆ ಮಾಜಿ ತಾಲೂಕು ಪಂಚಾಯಿತಿ ಸದಸ್ಯ ಸಾಜಿ ಅಚ್ಚುತ್ತನ್ ಹಾಗೂ ಮಹೇಶ್ ಪೋಷಕರು ಹಾಜರಿದ್ದರು.

- ಹೆಚ್.ಕೆ. ಜಗದೀಶ್