ನಾಪೋಕ್ಲು, ಮಾ. 27: ಕೊಳಕೇರಿ ಗ್ರಾಮದ ಬೊಮ್ಮಂಜಕೇರಿಯ ಶ್ರೀ ಪೊನ್ನು ಮುತ್ತಪ್ಪ ದೇವರ ವಾರ್ಷಿಕ ಉತ್ಸವ ಬುಧವಾರ ಆರಂಭಗೊಂಡಿದ್ದು, ಶುಕ್ರವಾರದವರೆಗೆ ನಡೆಯಲಿದೆ.

ತಾ. 28 ರಂದು ಸಂಜೆ ಮುತ್ತಪ್ಪ ದೇವರ ಕಲಶ, ಬಳಿಕ ಕೋಟೇರಿ ನದಿಯಲ್ಲಿ ಸ್ನಾನದ ಬಳಿಕ ರಾತ್ರಿ ಮುತ್ತಪ್ಪ ದೇವರ ಬೊಳ್ಳಾಟಂ ನಡೆಯಲಿದೆ. ಬಳಿಕ ಭಕ್ತರಿಗೆ ಅನ್ನದಾನ ನಡೆಯಲಿದೆ. ಶುಕ್ರವಾರ ಬೆಳಿಗ್ಗೆ ತಿರುವಪ್ಪನೆ ಮತ್ತು ಮುತ್ತಪ್ಪ ತೆರೆಗಳು ಜರುಗಲಿವೆ ಎಂದು ದೇವಾಲಯದ ಪ್ರಕಟಣೆ ತಿಳಿಸಿದೆ.