*ಗೋಣಿಕೊಪ್ಪಲು, ಆ. 11: ವಾಹನ ಚಾಲಕರ ಸಂಘದಿಂದ 70ನೇ ವರ್ಷದ ಸ್ವಾತಂತ್ರ್ಯ ದಿನಾಚರಣೆಯ ಅಂಗವಾಗಿ ನಡೆಯುತ್ತಿರುವ 3ನೇ ವರ್ಷದ ಸೈಕ್ಲೋಥಾನ್ ಸ್ಪರ್ಧೆಗೆ ರಸ್ತೆ ಮಾರ್ಗಸೂಚಿಯನ್ನು ಸಂಘದ ಅಧ್ಯಕ್ಷ ಸಿ.ಕೆ. ಬೋಪಣ್ಣ ತಿಳಿಸಿದರು.

ವಾಹನ ಚಾಲಕರ ಸಂಘದ ಕಚೇರಿಯಲ್ಲಿ ನಡೆದ ಪತ್ರಿಕಾ ಗೋಷ್ಠಿಯಲ್ಲಿ ಅವರು ಮಾಹಿತಿ ನೀಡಿದರು. ಹತ್ತು ವರ್ಷದ ಒಳಗಿನ ಮಕ್ಕಳಿಗೆ 10 ಕಿ.ಮೀ. ವ್ಯಾಪ್ತಿಯ ಸೈಕಲ್ ಚಾಲನೆಯನ್ನು ಇಲ್ಲಿನ ಕಾರು ನಿಲ್ದಾದಿಂದ ಪ್ರಾರಂಭಿಸಲಾಗುತ್ತದೆ. ನಂತರ ಪಾಲಿಬೆಟ್ಟ ತಿರುವು ಅತ್ತೂರು, ಗದ್ದೆಮನೆ ಶಾಲೆಯವರೆಗೆ ಮತ್ತೇ ಅದೇ ಮಾರ್ಗವಾಗಿ ಪಾಲಿಬೆಟ್ಟ ಜಂಕ್ಷನ್‍ನಲ್ಲಿ ರುವ ದುರ್ಗಾ ಬೋಜಿ ಬಾರ್ &amdiv; ರೆಸ್ಟೋರೆಂಟ್ ಬಳಿ ಕೊನೆಗೊಳ್ಳಲಿದೆ.

15 ಕಿ.ಮೀ ವ್ಯಾಪ್ತಿಯ 14 ವರ್ಷದ ವರೆಗೆ ಕಾರು ನಿಲ್ದಾಣದಿಂದ ಪಾಲಿಬೆಟ್ಟ ತಿರುವು ಅತ್ತೂರು, ಗದ್ದೆಮನೆ ಶಾಲೆ ರಾಟೆಕಳ, ಮೂಕ ಎಸ್ಟೇಟ್ ಗೇಟ್ ನಂತರ ಅದೇ ಮಾರ್ಗವಾಗಿ ಹಿಂದಿರುಗಿ ದುರ್ಗಾ ಬೋಜಿ ಬಾರ್ &amdiv; ರೆಸ್ಟೋರೆಂಟ್ ಬಳಿ ಕೊನೆಗೊಳ್ಳಲಿದೆ ಎಂದರು

20 ಕಿ.ಮೀ ವ್ಯಾಪ್ತಿಯ 17 ವರ್ಷದವರಿಗೆ ಕಾರು ನಿಲ್ದಾಣದಿಂದ ಪಾಲಿಬೆಟ್ಟ ತಿರುವು ಅತ್ತೂರು, ಗದ್ದೆಮನೆ ಶಾಲೆ ರಾಟೆಕಳ, ಮೂಕ ಎಸ್ಟೇಟ್ ಗೇಟ್, ಪಾಲಿಬೆಟ್ಟ ಸೊಸೈಟಿ, ಪಾಲಿಬೆಟ್ಟ ಟೌನ್, ಗಣಪತಿ ಟೆಂಪಲ್ ಮಾರ್ಗ ವಾಗಿ ಹಿಂದಿರುಗಿ ಗೋಣಿಕೊಪ್ಪಲು ಕಾರು ನಿಲ್ದಾಣದಲ್ಲಿ ಕೊನೆಗೊಳ್ಳಲಿದೆ.

ಕೂರ್ಗ್ ಓಪನ್ ಕ್ಲಾಸ್ 40 ಕಿ.ಮೀ. ನಲ್ಲಿ ಕಾರು ನಿಲ್ದಾಣದಿಂದ ಪಾಲಿಬೆಟ್ಟ ತಿರುವು ಅತ್ತೂರು, ಗದ್ದೆಮನೆ ಶಾಲೆ ರಾಟೆಕಳ, ಮೂಕ ಎಸ್ಟೇಟ್ ಗೇಟ್, ಪಾಲಿಬೆಟ್ಟ ಸೊಸೈಟಿ, ಪಾಲಿಬೆಟ್ಟ ಟೌನ್, ಗಣಪತಿ ಟೆಂಪಲ್ ಮಾರ್ಗ ವಾಗಿ ಪಾಲಿಬೆಟ್ಟ ಸೊಸೈಟಿಯಿಂದ ಹೊಸಳ್ಳಿ ಮಾರ್ಗವಾಗಿ ತಿತಿಮತಿ ಪಟ್ಟಣ ಮರಪಾಲ, ಕೊಣನಕಟ್ಟೆ, ಮಾಯಮುಡಿ, ಮಡಿಕೆಬೀಡು, ಚೆನ್ನಂಗೊಲ್ಲಿ ಜಂಕ್ಷನ್, ಹರಿಶ್ಚಂದ್ರಪುರದ ಮಾರ್ಗವಾಗಿ ಗೋಣಿಕೊಪ್ಪಲು ಕಾರು ನಿಲ್ದಾಣದಲ್ಲಿ ಕೊನೆಗೊಳ್ಳಲಿದೆ.

ಮಹಿಳಾ ವಿಭಾಗದಲ್ಲಿ ನಡೆಯುವ 20 ಕಿ.ಮೀ. ವ್ಯಾಪ್ತಿಯ ಸೈಕಲ್ ಜಾಥಾಕ್ಕೆ ಕಾರು ನಿಲ್ದಾಣದಿಂದ ಪಾಲಿಬೆಟ್ಟ ತಿರುವು ಅತ್ತೂರು, ಗದ್ದೆಮನೆ ಶಾಲೆ ರಾಟೆಕಳ, ಮೂಕ ಎಸ್ಟೇಟ್ ಗೇಟ್, ಪಾಲಿಬೆಟ್ಟ ಸೊಸೈಟಿ, ಪಾಲಿಬೆಟ್ಟ ಟೌನ್, ಗಣಪತಿ ಟೆಂಪಲ್ ಮಾರ್ಗವಾಗಿ ಹಿಂದಿರುಗಿ ಗೋಣಿಕೊಪ್ಪಲು ಕಾರು ನಿಲ್ದಾಣದಲ್ಲಿ ಕೊನೆಗೊಳ್ಳಲಿದೆ. ಸರಕಾರಿ ಶಾಲೆಯ ವಿದ್ಯಾರ್ಥಿಗಳಿಗೆ ಉಚಿತವಾಗಿ ಪ್ರವೇಶ ಕಲ್ಪಿಸಲಾಗಿದೆ ಎಂದು ತಿಳಿಸಿದರು.

ಉಪಾಧ್ಯಕ್ಷ ಶರತ್ ಕಾಂತ್ ಮಾತನಾಡಿ, ವಾಹನ ಚಾಲಕರ ಸಂಘದಿಂದ ತುರ್ತು ಚಿಕಿತ್ಸಾ ವಾಹನದ ಸೇವೆಯನ್ನು ನೀಡಲು ನಿರ್ಧರಿಸಿದ್ದು, ಸ್ವಾತಂತ್ರ್ಯ ದಿನಾಚಾರಣೆಯಂದು ವಾಹನವನ್ನು ಸಾರ್ವಜನಿಕ ಸೇವೆಗೆ ನೀಡಲಾಗುವದು. ಸರಕಾರಿ ಶಾಲೆಯಲ್ಲಿ ಪ್ರಾರಂಭವಾದ ಎಲ್.ಕೆ.ಜಿ ವಿದ್ಯಾರ್ಥಿಗಳ ಅನುಕೂಲಕ್ಕೆ ಪಿಠೋಪಕರಣಗಳನ್ನು ನೀಡಲು ನಿರ್ಧರಿಸಿದ್ದೇವೆ ಎಂದು ತಿಳಿಸಿದರು.

ಗೋಷ್ಠಿಯಲ್ಲಿ ಮಾಜಿ ಉಪಾಧ್ಯಕ್ಷ ಅಬೇಲಾ, ಮಾಜಿ ಕಾರ್ಯದರ್ಶಿ ಸುರೇಶ್ ಉಪಸ್ಥಿತರಿದ್ದರು.