ಮಡಿಕೇರಿ, ಏ.೧೧: ನಗರದ ಜನರಲ್ ತಿಮ್ಮಯ್ಯ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ವೈಲ್ಡ್ ಮಾಸ್ರ‍್ಸ್ ರಾಷ್ಟಿçÃಯ ಮಟ್ಟದ ಲೆದರ್ ಬಾಲ್ ಕ್ರಿಕೆಟ್ ಟೂರ್ನಿಯ ೪ನೇ ದಿನದ ಪಂದ್ಯಾಟದಲ್ಲಿ ಟೀಮ್ ಬ್ರರ‍್ಸ್ ಹಾಗೂ ಆಶಿಯಾ-೧೧ ತಂಡ ಗೆಲುವಿನ ಮೂಲಕ ಟೂರ್ನಿಯಲ್ಲಿ ಮುನ್ನಡೆ ಸಾಧಿಸಿವೆ. ಈಗಾಗಲೇ ಕಿಂಬರ್ಲಿ ಕ್ರಿಕೆರ‍್ಸ್ ಸೆಮಿ ಫೈನಲ್ ಪ್ರವೇಶಿಸಿದ್ದು, ಉಳಿದ ೩ ಸ್ಥಾನಗಳಿಗೆ ಇತರ ತಂಡಗಳು ಸೆಣಸಾಡುತ್ತಿವೆ.
ಇಂದು ನಡೆದ ಮೊದಲನೆ ಪಂದ್ಯದಲ್ಲಿ ಟೀಮ್ ಬ್ರರ‍್ಸ್ ತಂಡ ವೀರಾಜಪೇಟೆ ಸಿ.ಸಿ ತಂಡದ ವಿರುದ್ಧ ನಿಗದಿತ ೨೦ ಓವರ್‌ಗಳಲ್ಲಿ ೬ ವಿಕೆಟ್ ನಷ್ಟಕ್ಕೆ ೧೯೪ ರನ್ ಗಳಿಸಿತು. ತಂಡದ ಪರ ಸೋಮ್‌ನಾಥ್ ಸಿ ಶೆಟ್ಟಿ ೪೪ ಎಸೆತಗಳಲ್ಲಿ ೬೬ ರನ್ ಗಳಿಸಿ ಪಂದ್ಯಶ್ರೇಷ್ಠ ಪ್ರಶಸ್ತಿ ಪಡೆದುಕೊಂಡರು. ವೀರಾಜಪೇಟೆ ತಂಡ ೨೦ ಓವರ್‌ಗಳಲ್ಲಿ ತನ್ನೆಲ್ಲ ವಿಕೆಟ್‌ಗಳನ್ನು ಕಳೆದುಕೊಂಡು ೧೬೮ ರನ್ ಗಳಿಸಿ ಸೋಲೊಪ್ಪಿಕೊಂಡಿತು.
ಎರಡನೆ ಪಂದ್ಯದಲ್ಲಿ ಮಾದಾಪುರ ಇಂಡಿಯನ್ಸ್ ತಂಡ ಆಶಿಯಾ-೧೧ ತಂಡದ ವಿರುದ್ಧ ೧೫ ಓವರ್‌ಗಳಲ್ಲಿ ೧೦೯ ರನ್‌ಗಳಿಸಿ ತನ್ನೆಲ್ಲ ವಿಕೆಟ್‌ಗಳನ್ನು ಕಳೆದುಕೊಂಡಿತು. ಈ ಮೊತ್ತವನ್ನು ಬೆನ್ನಟ್ಟಿದ ಆಶಿಯಾ-೧೧ ತಂಡ ಕೇವಲ ೧೦.೨ ಓವರ್‌ಗಳಲ್ಲಿ ೪ ವಿಕೆಟ್ ನಷ್ಟಕ್ಕೆ ೧೧೦ ರನ್ ಗಳಿಸಿ ಜಯ ಸಾಧಿಸಿತು. ಆಶಿಯಾ ತಂಡದ ಪ್ರೀತೇಶ್ ಇಂಗಾಲೆ ೨ ವಿಕೆಟ್ ಪಡೆದು ಬ್ಯಾಟಿಂಗ್‌ನಲ್ಲಿ ೨೨ ಎಸೆತಗಳಲ್ಲಿ ೪೪ ರನ್ ಭಾರಿಸುವ ಮೂಲಕ ಪಂದ್ಯಶ್ರೇಷ್ಠ ಪ್ರಶಸ್ತಿಯನ್ನು ತಮ್ಮದಾಗಿಸಿಕೊಂಡರು.