ಟೀಮ್ ಬ್ರರ‍್ಸ್, ಎಮ್.ವೈ.ಸಿ.ಸಿ ಕ್ವಾರ್ಟರ್ ಫೈನಲ್‌ಗೆ ಪ್ರವೇಶ

ಮಡಿಕೇರಿ, ಏ. ೧೨: ನಗರದ ಜನರಲ್ ತಿಮ್ಮಯ್ಯ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ವೈಲ್ಡ್ ಮಾಸ್ರ‍್ಸ್ ರಾಷ್ಟಿçÃಯ ಮಟ್ಟದ ಲೆದರ್ ಬಾಲ್ ಕ್ರಿಕೆಟ್ ಟೂರ್ನಿಯ ೫ನೇ ದಿನದ ಪಂದ್ಯಾಟದಲ್ಲಿ ಟೀಮ್ ಬ್ರರ‍್ಸ್ ಹಾಗೂ ಮಡಿಕೇರಿ ಯೂತ್ ಕ್ರಿಕೆರ‍್ಸ್ ಕ್ಲಬ್ ತಂಡ ಗೆಲುವಿನ ಮೂಲಕ ಟೂರ್ನಿಯ ಕ್ವಾರ್ಟರ್ ಫೈನಲ್ ತಲುಪಿವೆ.

ಇಂದು ನಡೆದ ಮೊದಲನೆ ಪಂದ್ಯದಲ್ಲಿ ಟೀಮ್ ಬ್ರರ‍್ಸ್ ತಂಡ ಆಶಿಯಾ-೧೧ ತಂಡದ ವಿರುದ್ಧ ನಿಗದಿತ ೨೦ ಓವರ್‌ಗಳಲ್ಲಿ ೬ ವಿಕೆಟ್ ನಷ್ಟಕ್ಕೆ ೧೫೨ ರನ್ ಗಳಿಸಿತು. ಈ ಮೊತ್ತವನ್ನು ಬೆನ್ನಟ್ಟಿದ ಆಶಿಯಾ-೧೧ ತಂಡಕ್ಕೆ ಪಂದ್ಯದ ಕೊನೆಯ ಎಸೆತದಲ್ಲಿ ೩ ರನ್‌ಗಳಿಸಬೇಕಾಗಿದ್ದು ಕೇವಲ ೧ ರನ್‌ಗೆ ನಿಯಂತ್ರಿಸಲ್ಪಟ್ಟಿತು. ೬ ವಿಕೆಟ್ ನಷ್ಟಕ್ಕೆ ೧೫೧ ಗಳಿಸಿದ್ದು, ೧ ರನ್ನಿನಿಂದ ಸೋಲನುಭವಿಸಿತು. ಟೀಮ್ ಬ್ರರ‍್ಸ್ ಕ್ವಾರ್ಟರ್ ಫೈನಲ್ ಪ್ರವೇಶಿಸಿತು.

ಟೀಮ್ ಬ್ರರ‍್ಸ್ ತಂಡದ ಪರ ಸುಹೇಲ್ ಸೆಮಿತಾ ೩೫ ಎಸೆತಗಳಲ್ಲಿ ೪೫ ರನ್ ಗಳಿಸಿ ಪಂದ್ಯಶ್ರೇಷ್ಠ ಪ್ರಶಸ್ತಿ ಪಡೆದುಕೊಂಡರು.

ಎರಡನೆ ಪಂದ್ಯದಲ್ಲಿ ಕೂರ್ಗ್ ಕ್ಯಾಪ್ಟನ್ಸ್ ಗೋಣಿಕೊಪ್ಪ ತಂಡ ೧೮.೧ ಓವರ್‌ಗಳಲ್ಲಿ ೮೩ ರನ್‌ಗಳಿಗೆ ತನ್ನೆಲ್ಲಾ ವಿಕೆಟ್‌ಗಳನ್ನು ಕಳೆದುಕೊಂಡಿತು. ಈ ಮೊತ್ತವನ್ನು ಎಮ್.ವೈ.ಸಿ.ಸಿ ತಂಡ ಕೇವಲ ೬.೧ ಓವರ್‌ಗಳಲ್ಲಿ ೧ ವಿಕೆಟ್ ನಷ್ಟಕ್ಕೆ ಬೆನ್ನಟ್ಟಿತು. ಎಮ್.ವೈ.ಸಿ.ಸಿ ಪರ ಕರಣ್ ಅವರು ೨೦ ಎಸೆತಗಳಲ್ಲಿ ೫೫ ರನ್‌ಗಳಿಸಿ ಪಂದ್ಯಶ್ರೇಷ್ಠ ಪ್ರಶಸ್ತಿಗೆ ಭಾಜನರಾದರು.

ಇಂದು ಕ್ವಾರ್ಟರ್ ಫೈನಲ್

ತಾ. ೧೩ ರಂದು (ಇಂದು) ಎಮ್.ವೈ.ಸಿ.ಸಿ. ಹಾಗೂ ಟೀಮ್ ಬ್ರರ‍್ಸ್ ನಡುವೆ ಕ್ವಾರ್ಟರ್ ಫೈನಲ್ ನಡೆಯಲಿದ್ದು, ವಿಜೇತ ತಂಡ ಸೆಮಿಫೈನಲ್ ಪ್ರವೇಶಿಸಲಿದೆ.