ಅನಿಲ್ ಎಚ್.ಟಿ. ಮಡಿಕೇರಿ, ಏ. ೧೧: ಜಮ್ಮು ಕಾಶ್ಮೀರದ ಸಮರ ತಾಣ ಬಾರಮುಲ್ಲ ನಗರಕ್ಕೆ ಭಾನುವಾರ ಅಪೂರ್ವ ಕ್ಷಣ... ಭಾರತೀಯ ಸೇನಾ ಪಡೆಯ ಪ್ರಥಮ ಮಹಾ ದಂಡನಾಯಕ ಫೀಲ್ಡ್ ಮಾರ್ಷಲ್ ಕಾರ್ಯಪ್ಪ ಅವರ ಹೆಸರಿನಲ್ಲಿ ಕಾಯಕಲ್ಪ ಪಡೆಯುತ್ತಿರುವ ವಿನೂತನ ಉದ್ಯಾನವನಕ್ಕೆ ಕಾರ್ಯಪ್ಪ ಅವರ ಪುತ್ರ ನಿವೃತ್ತ ಏರ್ ಮಾರ್ಷಲ್ ಕಾರ್ಯಪ್ಪ ಮತ್ತು ಪರಿವಾರ ಕೊಡಗಿನಿಂದ ಭೇಟಿ ನೀಡಿದ ಕ್ಷಣಗಳಿಗೆ ಬಾರಮುಲ್ಲ ಸಾಕ್ಷಿಯಾಯಿತು.
ಭಾರತದ ಹೆಮ್ಮೆಯ ಸೇನಾ ನಾಯಕರಾಗಿದ್ದ ಫೀಲ್ಡ್ ಮಾರ್ಷಲ್ ಕಾರ್ಯಪ್ಪ ಅವರ ಸ್ಮರಣಾರ್ಥ ಬಾರಮುಲ್ಲದ ಹೃದಯ ಭಾಗವಾದ ಟ್ಯಾಕ್ಸಿ ಸ್ಟಾಂಡ್ ಪಕ್ಕದಲ್ಲಿಯೇ ಕಾರ್ಯಪ್ಪ ಪಾರ್ಕ್ನ್ನು ಅಲ್ಲಿನ ಸ್ಥಳೀಯ ನಗರಸಭೆ ನಿರ್ಮಾಣ ಮಾಡುತ್ತಿದೆ. ಈ ಉದ್ಯಾನವನ ವೀಕ್ಷಣೆಗೆ ಅಲ್ಲಿನ ಸ್ಥಳೀಯ ಸಂಸ್ಥೆಗಳ ಪ್ರಮುಖರಿಂದ ಲಭಿಸಿದ ಆಹ್ವಾನದಂತೆ ಮಡಿಕೇರಿಯಿಂದ ಏರ್ ಮಾರ್ಷಲ್ ಕೆ.ಸಿ. ಕಾರ್ಯಪ್ಪ ಭಾನುವಾರ ಇಲ್ಲಿಗೆ ಭೇಟಿ ನೀಡಿ ಉದ್ಯಾನವನ ಪರಿಶೀಲಿಸಿ ಮೆಚ್ಚುಗೆ ವ್ಯಕ್ತಪಡಿಸಿದರು.
ಬಾರಮುಲ್ಲದಲ್ಲಿ ಕಾರ್ಯಪ್ಪ ಪಾರ್ಕ್ ಯಾವಾಗ ನಿರ್ಮಾಣ ವಾಯಿತು ಎಂಬ ಬಗ್ಗೆ ಸ್ಪಷ್ಟ ಉಲ್ಲೇಖ ಲಭಿಸುತ್ತಿಲ್ಲ. ಆದರೆ ಕೇಂದ್ರ ಸರ್ಕಾರ ೨೦೧೯ರಲ್ಲಿ ೩೭೦ ಸೆ. ಕಾಯಿದೆಯನ್ನು ತೆಗೆದ ಬಳಿಕ ಬಾರಮುಲ್ಲಾದಲ್ಲಿ ಸಾಕಷ್ಟು ಕ್ರಾಂತಿಕಾರಿ ಪ್ರಗತಿ ಕಂಡುಬAತು. ಇದರ ಫಲಶೃತಿಯಾಗಿ ಕಾರ್ಯಪ್ಪ ಉದ್ಯಾನವನಕ್ಕೆ ಕಾಯಕಲ್ಪ ದೊರಕುವ ಯೋಜನೆ ಜಾರಿಗೆ ಬಂತು. ೨೦೧೯ ರವರೆಗೂ ಕಾರ್ಯಪ್ಪ ಉದ್ಯಾನವನ ಜೀರ್ಣಾವಸ್ಥೆಯಲ್ಲಿತ್ತು. ಇದೀಗ ಯಾರೂ ಊಹಿಸದ ರೀತಿಯಲ್ಲಿ ಭಾರತದ ಹೆಮ್ಮೆಯ ಕಾರ್ಯಪ್ಪ ಹೆಸರಿನ ಪಾರ್ಕ್ ಅತ್ಯಂತ ಶೀಘ್ರಗತಿಯಲ್ಲಿ ಅಭಿವೃದ್ಧಿ ಕಾಣುತ್ತಿದೆ.
ಜಮ್ಮು ಮತ್ತು ಕಾಶ್ಮೀರ ಆಡಳಿತದಿಂದ ಕಾರ್ಯಪ್ಪ ಪಾರ್ಕ್ ಕಾಯಕಲ್ಪಕ್ಕೆ ೩ ಕೋಟಿ ರೂ. ಅನುದಾನ ಮಂಜೂರಾಗಿದೆ. ಈ ಪೈಕಿ ೧ ಕೋಟಿ ರೂ. ವೆಚ್ಚದಲ್ಲಿ ಪಾರ್ಕ್ ಒಳಬದಿಯಲ್ಲಿ ಡಿಜಿಟಲ್ ಗ್ರಂಥಾಲಯ ರೂಪುಗೊಳ್ಳುತ್ತಿದೆ. ಇ ಲೈಬ್ರರಿ ಯೋಜನೆಯಡಿಯಲ್ಲಿ ವಿವಿಧ ವಿಚಾರಗಳ ಸಹಸ್ರಾರು ಗ್ರಂಥಗಳು, ಲೇಖನಗಳ ಸಂಗ್ರಹಗಳು ಓದುಗರಿಗೆ ಡಿಜಿಟಲ್ ಮಾಧ್ಯಮದಲ್ಲಿ ಲಭಿಸಲಿದ್ದು ಸಂಶೋಧಕರಿಗೆ, ಸ್ಪರ್ಧಾತ್ಮಕ ಪರೀಕ್ಷೆಗೆ ತಯಾರಾಗುವ ವಿದ್ಯಾರ್ಥಿಗಳಿಗೆ ಒಳಬದಿಯಲ್ಲಿ ಡಿಜಿಟಲ್ ಗ್ರಂಥಾಲಯ ರೂಪುಗೊಳ್ಳುತ್ತಿದೆ. ಇ ಲೈಬ್ರರಿ ಯೋಜನೆಯಡಿಯಲ್ಲಿ ವಿವಿಧ ವಿಚಾರಗಳ ಸಹಸ್ರಾರು ಗ್ರಂಥಗಳು, ಲೇಖನಗಳ ಸಂಗ್ರಹಗಳು ಓದುಗರಿಗೆ ಡಿಜಿಟಲ್ ಮಾಧ್ಯಮದಲ್ಲಿ ಲಭಿಸಲಿದ್ದು ಸಂಶೋಧಕರಿಗೆ, ಸ್ಪರ್ಧಾತ್ಮಕ ಪರೀಕ್ಷೆಗೆ ತಯಾರಾಗುವ ವಿದ್ಯಾರ್ಥಿಗಳಿಗೆ ಯೋಜನೆಯಾಗಿದೆ. ಕಾರ್ಯಪ್ಪ ಉದ್ಯಾನವನದಲ್ಲಿ ಕಾಲುಹಾದಿ, ಸುಂದರವಾದ ಸಸ್ಯೋದ್ಯಾನ, ಕೂರಲು ಬೆಂಚ್‌ಗಳು, ತೂಗುಯ್ಯಾಲೆ, ಹಸಿರುವನ, ನೀರಿನ ಕೊಳ, ಸುಭದ್ರವಾದ ಗೋಡೆ, ಶೌಚಾಲಯ, ಹೈಮಾಸ್ಟ್ ದೀಪಗಳು, ಜಿಮ್, ಸೇನೆ ಸೇರುವವರಿಗೆ ಮಾಹಿತಿ ನೀಡುವ ಸೌಲಭ್ಯ ಇತ್ಯಾದಿ ಅನೇಕ ಯೋಜನೆ ರೂಪುಗೊಳ್ಳುತ್ತಿದೆ.
ಬಾರಮುಲ್ಲಾದಲ್ಲಿ ಕಾರ್ಯಪ್ಪ ಪಾರ್ಕ್ ಬಹಳ ಸುಂದರವಾಗಿ, ಬಹಳ ವ್ಯವಸ್ಥಿತವಾಗಿ ನಿರ್ಮಾಣ ವಾಗುತ್ತಿದೆ. ಇದನ್ನು ವೀಕ್ಷಿಸಿ ಬಹಳ ಸಂತೋಷವಾಯಿತು. ಬಾರಮುಲ್ಲಾ ಮತ್ತು ಈ ವ್ಯಾಪ್ತಿಯ ಜನರಿಗೆ ನನ್ನ ತಂದೆ ಕಾರ್ಯಪ್ಪ ಅವರ ಬಗ್ಗೆ ಅಪಾರ ಅಭಿಮಾನವಿದೆ. ಕಾರ್ಯಪ್ಪ ಅವರು ಸೇನಾಧಿಕಾರಿಯಾಗಿದ್ದಾಗ ಯುದ್ಧ ಪ್ರದೇಶವಾದ ಉರಿ ಎಂಬಲ್ಲಿಗೆ ಬಾರಮುಲ್ಲಕ್ಕಾಗಿ ತೆರಳುತ್ತಿದ್ದ ಸಂದರ್ಭ ಒಂದು ದಿನ ಗ್ರಾಮಸ್ಥರು ಹಿಂಡುಹಿAಡಾಗಿ ತೆರಳುತ್ತಿದ್ದದ್ದನ್ನು ಗಮನಿಸಿದರು. ಈ ಜನರ ಪೈಕಿ
(ಮೊದಲ ಪುಟದಿಂದ) ಕೆಲವರು ಕಾರ್ಯಪ್ಪ ಅವರಿದ್ದ ಸೇನಾಜೀಪ್ ತಡೆದು ನಿಲ್ಲಿಸಿ ಸಹಾಯ ಕೋರುತ್ತಾರೆ. ಏನು ಸಹಾಯ ಬೇಕೆಂದು ಕಾರ್ಯಪ್ಪ ಕೇಳಿದಾಗ ನಮಗೆ ಆಹಾರ, ಪಡಿತರವೇ ದೊರಕುತ್ತಿಲ್ಲ. ಉಪ್ಪು ಕೂಡ ದೊರಕದಂತ ದಯನೀಯ ಪರಿಸ್ಥಿತಿಯಿದೆ ಎಂದು ಅಳಲು ತೋಡಿಕೊಳ್ಳುತ್ತಾರೆ. ಇದನ್ನು ಕೇಳಿದ ಕಾರ್ಯಪ್ಪ ಕೂಡಲೇ ತನ್ನ ಅಧಿಕಾರಿಗಳಿಗೆ ಸೂಚನೆ ನೀಡಿ ಬಾರಮುಲ್ಲದ ಜನತೆಗೆ ಪಡಿತರ, ಆಹಾರಕ್ಕೆ ವ್ಯವಸ್ಥೆ ಮಾಡುತ್ತಾರೆ. ಅಂದಿನಿAದಲೇ ಸ್ಥಳೀಯರ ಪಾಲಿಗೆ ಕಾರ್ಯಪ್ಪ ಗೌರವಾದರಗಳಿಗೆ ಪಾತ್ರರಾದ ಸೇನಾಧಿಕಾರಿಯಾಗಿ ಪರಿಣಮಿಸುತ್ತಾರೆ ಎಂದು ಏರ್ ಮಾರ್ಷಲ್ ಕಾರ್ಯಪ್ಪ ಸ್ಮರಿಸಿಕೊಂಡರು. ಹೀಗಾಗಿಯೇ ಬಾರಮುಲ್ಲಾದ ಜನತೆ ತಮ್ಮ ಗೌರವಕ್ಕೆ ಪಾತ್ರರಾದ ಕಾರ್ಯಪ್ಪ ಸ್ಮರಣಾರ್ಥ ಪಾರ್ಕ್ ಸ್ಥಾಪನೆಗೆ ಮುಂದಾದರು ಎಂದು ದಾಖಲೆ ಉಲ್ಲೇಖಿಸಿ ಏರ್ ಮಾರ್ಷಲ್ ಕಾರ್ಯಪ್ಪ ಹೇಳಿದರು. ಬಾರಮುಲ್ಲ ಜನತೆಗೆ ಕಾರ್ಯಪ್ಪ ನೀಡಿದ ನೆರವು ಸರ್ಕಾರದಿಂದಲೂ ಆ ದಿನಗಳಲ್ಲಿ ಅಪಾರ ಮೆಚ್ಚುಗೆಗೆ ಪಾತ್ರವಾಗಿತ್ತು.
ಬಾರಮುಲ್ಲದ ಕಾರ್ಯಪ್ಪ ಪಾರ್ಕ್ಗೆ ಏರ್ ಮಾರ್ಷಲ್ ಕಾರ್ಯಪ್ಪ ಭಾನುವಾರ ಭೇಟಿ ನೀಡಿದ ಸಂದರ್ಭದಲ್ಲಿ ಕೆ. ರೋಹಿತ್, ಸಂಜಿತಾ ಕಾರ್ಯಪ್ಪ, ಅಳಿಯ ಎ.ಕೆ. ದೇವಯ್ಯ, ಮೊಮ್ಮಗಳು ಅರುಷಿ ಆನಂದ್, ಮಗಳು ಗಾಯತ್ರಿ ಗುಪ್ತ, ಅಳಿಯ ಸೌರಭ್ ಗುಪ್ತ ಜತೆಗಿದ್ದರು. ಇದೇ ಸಂದರ್ಭ ಕಾರ್ಯಪ್ಪ ಪ್ರತಿಮೆಗೆ ಗೌರವ ನಮನ ಸಲ್ಲಿಸಿ ತನ್ನ ತಂದೆ ಹಾಗೂ ಕೊಡಗಿನ ವರಪುತ್ರನ ಸೇನಾ ಸಾಧನೆಯ ಬಗ್ಗೆ ಏರ್ ಮಾರ್ಷಲ್ ಕಾರ್ಯಪ್ಪ ಸ್ಥಳೀಯ ಸೇನಾಧಿಕಾರಿಗಳು, ಮಾಧ್ಯಮಗಳೊಂದಿಗೆ ಅಭಿಪ್ರಾಯ ಹಂಚಿಕೊAಡರು. ಬಾರಮುಲ್ಲಾದಲ್ಲಿನ ಸಿಖ್ ಯುದ್ಧ ಸ್ಮಾರಕ, ಚಾಗರ್ ಯುದ್ಧ ಸ್ಮಾರಕಕ್ಕೂ ತೆರಳಿ ಹುತಾತ್ಮ ಸೈನಿಕರಿಗೆ ಗೌರವ ನಮನ ಸಲ್ಲಿಸಿದರು. ವಿನೂತನ ರೀತಿಯಲ್ಲಿ ಭಾರತದ ಸೇನಾ ನಾಯಕರು, ಭಾರತೀಯ ಸೇನೆಯ ವೀರಪರಂಪರೆಯನ್ನು ದಾಖಲಿಸುತ್ತಿರುವ ಬಾರಮುಲ್ಲಕ್ಕೆ ತನ್ನ ಭೇಟಿ ಅವಿಸ್ಮರಣೀಯ ಎಂದು ಏರ್ ಮಾರ್ಷಲ್ ಕಾರ್ಯಪ್ಪ ಹೆಮ್ಮೆಯಿಂದ ಹೇಳಿದರು.