ಮಡಿಕೇರಿ, ಮಾ. 27: ಲೋಕಸಭಾ ಚುನಾವಣೆಗೆ ಸಂಬಂಧಿಸಿದಂತೆ ಏಪ್ರಿಲ್ 18 ರಂದು ನಡೆಯುವ ಮತ ಸಮರಕ್ಕೆ ಸ್ಪರ್ಧಾಳುಗಳಾಗಿ ಸಲ್ಲಿಕೆಯಾಗಿದ್ದ ನಾಮಪತ್ರÀಗಳ ಪರಿಶೀಲನೆ ಪ್ರಕ್ರಿಯೆ ಇಂದು ನಡೆಯಿತು. ಕೊಡಗು-ಮೈಸೂರು ಕ್ಷೇತ್ರದಲ್ಲಿ 30 ಅಭ್ಯರ್ಥಿಗಳಿಂದ ಒಟ್ಟು 50 ನಾಮಪತ್ರಗಳು ಸಲ್ಲಿಕೆಯಾಗಿದ್ದವು. ಇಂದು ಚುನಾವಣಾಧಿಕಾರಿಗಳ ಕಚೇರಿಯಲ್ಲಿ ನಾಮಪತ್ರ ಪರಿಶೀಲನೆ ನಡೆದಿದ್ದು, ಐದು ನಾಮಪತ್ರಗಳು ತಿರಸ್ಕøತಗೊಂಡಿವೆ.ಮೊದಲ ಪುಟದಿಂದ) ಆನಂದ ಜೆ.ಜೆ. (ಕಾಂಗ್ರೆಸ್ ಡಮ್ಮಿ ಅಭ್ಯರ್ಥಿ), ಸತೀಶ್ ಪೈ (ಶಿವಸೈನ್ಯ), ಮಧು (ಸಂಪೂರ್ಣ ಭಾರತ್ ಕ್ರಾಂತಿ ಪಾರ್ಟಿ), ಅಖಿಲ್ ಅಹಮದ್ (ಪಕ್ಷೇತರ) ಹಾಗೂ ಸಿದ್ದರಾಜು ಎಂ. (ಬಿ.ಎಸ್.ಪಿ.) ಇವರುಗಳ ನಾಮಪತ್ರ ಕ್ರಮಬದ್ಧವಲ್ಲದ ಕಾರಣ ತಿರಸ್ಕøತಗೊಂಡಿದೆ. ಉಳಿದಂತೆ 25 ಅಭ್ಯರ್ಥಿಗಳು ಕಣದಲ್ಲಿದ್ದು, ನಾಮಪತ್ರ ಹಿಂಪಡೆಯಲು ತಾ. 29 ಕೊನೆಯ ದಿನಾಂಕವಾಗಿದೆ.